17 lines
1.3 KiB
Plaintext
17 lines
1.3 KiB
Plaintext
Factum est silentium in cœlo.
|
|
Et vidi septem illos angelos qui adstant in conspectu Dei, quibus datæ sunt septem tubæ.
|
|
Et septum angeli, qui habebant septem tubas, præparaverunt se ut clangerent.
|
|
|
|
Primus igitur angelus clanxit, et facta est grando et ignis, mista sanguine, projectaque sunt in terram: et tertia pars arborum exusta est, et omne gramen viride exustum.
|
|
|
|
Deinde secundus angelus clanxit, et quasi mons magnus igne ardens projectus est in mare: factaque est tertia pars maris sanguis. Et mortua est tertia pars creaturarum quæ errant in mari, animantia dico, et tertia pars navium periit.
|
|
|
|
Tum angelus tertius clanxit, et cecidit e cœlo stella magna, ardens velut lampas, ceciditque in tertiam partem fluminum, et in fontes aquarum. Nomen autem stellæ dicitur Absinthium: versa est igitur tertia pars aquarum in absinthium, et multi homines mortui sunt ex aquis, quod amaræ factæ essent.
|
|
|
|
Deinde quartus angelus clanxit, et percussa est tertia pars solis, et tertia pars lunæ, et tertia pars stellarum: ita ut obscuraretur tertia pars eorum, et diei non luceret pars tertia, et noctis similiter.
|
|
|
|
Et vidi, et audivi unum angelum volantem per medium cœli, dicentem voce magna, Væ, væ, væ incolis terræ a reliquis sonis tubæ trium illorum angelorum qui clangent!
|
|
|
|
|
|
Bible / Howard Goodall
|